latest TAMIL KAVITHAIGAL

TAMIL KAVITHAIGAL

 

@@@@@@தேடல்@@@@@@@@

தேடலில் அலுத்து போனவன் நான்
தேடித்தேடி களைத்து போனவன் நான்
மழலையில் தாயன்பை தேடினேன்
சித்தியின் பாசத்தின் சிகரத்தை தேடினேன்
மயிலிறகை மறைத்து வைத்து
நித்தம் அதன் குட்டியினை தேடினேன்
பொந்திடை கண்டெடுத்த முட்டை தனில்
பொன்வண்டை தேடினேன்
கல்லூரிக்கு பிறகு வேலை தேடினேன்
பருவ காலமதில் காதலை தேடினேன்
வாழ்க்கையின் ஓட்டத்தில் பணத்தை தேடினேன்
கழ்டங்கள் கடந்துபோக கடவுளை தேடினேன்
கனவுகள் இல்லாத நித்திரை தேடினேன்
துன்பங்கள் சொல்லி அழுது விட
என்னவளின் மடி தேடினேன்
நல்லாட்சி நடந்திட நல்லவரை தேடினேன்
ஊழலே இல்லாத புது உலகு தேடினேன்
கற்பனை வானில் கவிதையை தேடினேன்
ஆரம்பத்தில் கிச்சு கிச்சு தாம்பலத்தில்
குச்சியினை தேட தொடங்கிய நான்
தேடிக்கொண்டே இருக்கிறேன்
தேடலும் நின்றபாடில்லை
தேடலில் நான் வென்றபாடும் இல்லை.